L'esquèrra , la drecha....la seleccion naturala e autras fotraladas dans le seringueti

Quina diferéncia entra l'esquèrra e la drecha uèi?
L'esquèrra?
Aquò reven a se demandar qu'es la drecha e qu'es l'esquèrra uèi.
Mas encara  qualas son las fòrças en preséncia ?

Lo poder intellectual, contra lo poder financièr. L'ENA contra HEC d'un biais los saberuts d'esquèrra contra los winers de drecha . ( caricatura?      òc sabi mas pas tant qu'aquò)
Levat que la drecha a gasanhat la batalha dins totes aqueles esperits saberuts.
Los eiretièrs de Jaures , qu'estajavan  al nom de l' universalisme las placas importantas de l'Estat, an privatisat totas las delegacions de signatura, fisadas pel pòble d'esquèrra . A tot vam.
 Remembram nos de las primièras paraulas de Jospin al ser de las eleccions quitament victoriosas contra lo J Chirac : mon programa es pas un programa socialista.... La messa foguèt dicha en sèt mots. Que lo grand blond de Cintegamela que privatisèt tant que Balladur benlèu mai parlèt naut e fòrt. Tornèt la pagina.
Bon alara de que se passèt dins l'esperit de tota aquela esquèrra , estequida , sortida de la promocion Voltaire-Waterloo-Beresina and CO ( assagi de comprendre ),  que la còla ps anèt quitament a Londres, a la City lo Jospin( un autre recentament...vos remembratz pas ? Soi pas l'enemic dels mercats...) prechar la dubertura dels mercats , la liura concurréncia qu' envegèron a l'epòca un Lamy a l'OMC e, un pauc mai tard DSK al FMS. Que Blair lo socialista angles new age l'òme que trobèt d'armas quimicas dins Iraq, e que vend dempuèi sa retirada, des minas de diamants dins Guinèa Bissau pel compte de Dubaï , socialista nomenklaturista tipe sovieticus estajant de Monaca, lor servissiá de modèla. ...
Bon l'ENA virèt tendéncia Goldman Sach...  que roïnèt un pais : Grècia. Aquò nos pausa question.
Quichi? , ............a pron pena
Se lo poder intellectual dins França cabussèt costat Goldman Sach aquò's que lo poder real li escapava . D'un biais qu'aquel poder s' apreparèt un camin de sortida. Solide que los socialistas oficials ( parli pas de la basa, mas del cap) an pas ren de socialista levat lo nom que lor escòrja los pòts .
Alara cossí comprendre lo nòstre sicut al nivèl local.
Per existir nos trobem forçats de nos sarrar d'òmes que son pès e lengas ligats, a l'aparelh de partits, e qu'an pas cap,e que vòlon pas aver , sonque l'entama d'un bricon d'idèa personala:
-Solide pel PS ont un òrdre tombat de Paris , de tres grads de naut, pòt tuar la pus pichona idèa particulara, e lo nèci que volriá imagenar quicòm de nòu. Que ten 200000 aderents.
-Solide per MRG un partit dels elegits nombroses mas sens cap d'aderents.
-Solide pel PCF que se «bat» per salvar qualques senators alara que ten encara mai de 180000 aderents ...
Lo cinquantenat d'òmes de l'ENA que comanda la vida del PS de Minc a Attali , del cap dusca 'l cuol an decidit a un moment de tot privatisar, de destrusir la societat sociala bastida a la fin de la guèrra pel CNR . Coma afortiguèron un còp èra Tatcher, Reagan e d'un biais JP Two tres grands crosats del monde liure , fin finala de la planeta «mafia»? O vesèm ara de Goldman Sach?
Alara cossí explicar lo cambiament de rota del PS ?
Pòdi m'enganar . Vesi pas qu'una responsa. Perque lo poder real lor escapava, e doncas se son preparats de camins de sortidas, de vials de tota mena, de placas bonas al solelh per elses e tota la familha de la granda borgesiá del poder intellectual que se situava, en majoritat dusca' ra a l'esquèrra . Tot en contunhant de bracejar sul mòde social.

La drecha :
La drecha aima fòrça los winers , los òmes que se son faches tot sol!!! Aital nos mòstran mantuns cops B Gates o S Jobs al fons de son garatge talhièr, parcatge de fustas, al fons de l'òrt, a mand de se bricolar un processor intel core quadruple còrs ..
E puèi tal Onassis que d'un còp se crompèt tres petrolièrs a la fin de la guèrra .... que venguèron rics a miliards ...Miraclós cantavan al caireforc de la vida e Rotchild passèt dins sa vanèla, e s'arrestèt per astre e  trobèt son cant polit. E la fortuna arribèt a ferrats .
Aital sabètz l'òme qu' «inventèt» la parabanda sus autorota ... Jamai se pausèron la question del mitan social. La drecha vòl creire al liure arbitre, a la fòrça de la volontat solitària,  e a las qualitats subrenaturalas de l'engenh .... Mas la meteissa drecha enveja sos enfants dins las escòlas privadas, las mai reconegudas, fòrcas sevèras, ont los enfants trabalhan nuèch e jorn. Ont es lo liure arbitre? Ont es l'engenh? 
Doncas l'òme de drecha aima plan l'istòria farlabicada de l'òme que se fa tot sol , sens ajuda de degun , sens l'ajuda d'un politica , d'un mercat de l'estat...L'òme de drecha aima plan de mostrar sas mans dolentas de trabalh e son cap pesuc de soscadisses... D'unes vivon un infèrn. Mas l'aiman aquel infèrn  que lor donan lo drech de  mestrejar l'avenir..... lo seu e.... lo dels autres .
Mas çò que cal dire; aquò's qu'un òme que siá nascut als Estats Units o dins Franca arriba pas tot sol. Es lo produch de las constrenchas ont viu e de las rescontras que pòt far. Se que non serà un looser e doncas i aurà pas d'istòria . Que la luna foguès pas aquì , se'n parlarià?
A mai i a tanben cò de l'òme de drecha l'idèa que d'unes son nascuts per dominar , per esclafar lo monde , e que serà totjorn aital, que son los lops dels tempses modèrnes e que dins la meteissa dralha i aurà totjorn los paures , los simples sabètz los qu'an bastit las piramidas , o Versalha e que son nascuts per èstre mespresats , vist qu'an a pron pena lo drech de viure, e que devon prendre sens renegar lo bas de la carrièra. D'un biais digatz me se la toristalha se tracha  de totes los que son crebats per far lo Taj Mahal, lo pont de Gard, las piramidas , lo Coliseum, Sant Peire , veire lo camin de la Donas a Verdun?
Non s'agís de remirar la grandor de l'òme que comandèt la bastison. E Colbert faguèt e Vauban tornèt e Napoleon decidiguèt....
Cal parlar ara del reportatge animalièr modèl que pareis fòrça representatiu de l'idèa de l'òme de drecha....
La scèna se passa dins lo Serengueti o prèp de la ribièra Mara . Un leon adult se dòrm a l'ombra d'un cassièr . Lo ser vengut las seunas femèlas se lèvan e van caçar per noirir los petits . Tuan un gno . Sul pic lo leon se sarra e manja primièr. Lo parlaire ditz qu'es normal. Lo barjacaire ditz que lo leon comanda . Que pòt pas caçar , vist que cor pas pro lèu?, mas que deu manjar!. Qu'es la lei de la natura. Que s'es gasanhat lo drech de comandar la tropelada femenèla, en caçant un vièlh leon , que presidava un còp èra, un vièlh acabat que podiá pas mai se bolegar , en fàcia del leons joves , dins lo monde bartassièr de l' estepa , que se cal batre per servar sa plaça e que la vida fa pissar lo sang.
Qu'es normal de se bofar lo fetge tre que possible.
Que per arribar ont n' es, de comandar coma un trader de Wall Street , tuèt tanben los leonssonèlons , un dètzenat còp sèc. Pas polit mas necessària . Per remplaçar lo leon vièlh ..Qu'es normal per que ten de gèns superiors , que las femèlas voldràn tornar pichonar , e qu' aital el ambe sos gèns reals assegurarà la contunhament de la raça , la qualitat la perenitat de l'espècia leonenca .... Coma se lo leon vièlh teniá pas el tanben de gèns superiors, quand tuèt los leoncòts, un còp èra, e prenguèt lo poder. Los gèns desanan ambe l'atge?
Aquò's lo meteis biais , uèi per explicar que lo lop se gasanhèt lo drech de caçar dins França als mitans dels tropèls de fedas dins Provença .
Contunham lo rasonament .... De que arriba s'aquel brava mascle de leonas , elegit pel dieu de la natura, que se plante una espina de 8 cm dins la pata ?e que pòsca pas mai artelhar.... Es encara la lei de la natura ?.... E se pòt pas mai manjar e cubrir las femèlas ? ... E que lo vièlh leon sornarut torna tuar los seus leoncòts e cubrir las femelas .. Que s' endeven la polida teoria de la seleccion naturala, patronala , directoriala, naturala? Te respondon que parlan en general . Mas empacha pas  que los enfants del vièlh sornarut van contunhar d'espandir los gèns d'un vièlh acabat. Belèu los nòstres. .Mentre de sègles que los òmes e las femnas se son maridats dins son ròdol!!!
Cresi que lo discors del leon que s'amerita de comandar e de pichonar es present dins los medias de longa e qu'es pas qu'una asenada .



Morala de l'istòria : ambe la drecha aquò's l'instint que comanda, ambe l'esquèrra d'uèi avèm pas que lo simulacre de matar l'instint.

Nosautres eiretièrs de Jaurès avèm l'espandi immens.....


Commentaires

Posts les plus consultés de ce blog

Encara una nuèch

l'escorsa