François ou Francesco, carnaval o prima?

Una ombra se passeja a l'abroa de la nuèch;

Un buf que trantola, sens alenar son dire

Benlèu una musica al sulhèt del non ren .

Quora tot s' apasima , al plond de l'escurina

A la boca fruchosa que chuca golardament ,

l'escruma blanca e roja que sorgenta la pèl.

Coma pluèja d'abrial sus l'èrba que se plega.

Mitat gèl, mitat agulhas, mitat tuba, mitat grisa,

Quatre mitats de ren me diretz , òc...per ne far un daquòs ?

Quicòm d' espelofrit que pega jos la man, los pes?

que fa lusir las lagremas e plorar las flors passidas

Coma una ceba gròssa qu'escupís son verin.

Te , una èrsa de paraulas , ten un vent novèl

Ten un butal a la pòrta , ten un paure barrutlejaire ,

Ten un calelh, un solelh , un parelh de duganèls acarnassits

Ont anatz vosautres , esperatz me? Ont anatz ?

A Paris per veire François ou Francisco o Francàs.

Que ieu, ai pas lo temps,  me cal emplenar la banasta d'escarabissas ...

D'òsses? Benlèu... E encara d'estornèls , o de bigornaus,   d'agaças; 

de corbatasses , e de qualques perdigalhons , que los aiman

plan las clavetas , las colobrassas, los borgeses occitans; e las blandas,negras e jaunas

cuèchas a l'estofinada amb d'alh , de jolverd e de gravèls a la tomata ...

E fòrças messorgas ...A A A coneissètz pas? Paures fosics.... A A A

Bogres de colhardonèlasssonassas , e ont avètz apresa la cosina franchimanda?

La que vos daissa un trach de merdalhon roge o verd coma una senhatura ,

d'un cagadàs polid mas roge e verd , d'aucèl d'un cap a l'autre de l' assièta ....

Coma s'èra oblidat lo mocador embrenat lo cosinaire, ............. entre los dets

Aicí avèm costuma de nadar dins la sang... e vosautres ?

Que los avèm matats los catars , los colonisats, los esclaus.... mantuns còps...

Visca Carnaval. 

A ... vosautres tanben!!! Puta tot torna, tot vira e tot torna a mai ...

Encara un banh de sang que s'aprepararià?  Sens qu'o saupèssem..  O sabiam pas? Miladiu!!!! 'quò's pas de creire!!! Miracla. 

Quina polida istòria passejada! Una ventura ... Isterica Istorica benlèu Isquemica ....

Amb Franca la vida vidanta.

Totjorn davant. E visca Carnaval....L