cimentèri de las lengas

Ont son?

Los sons?

Ont son parlats los sons ? cantats los sons?

Tecnic olors los sons son .

Dapasset los escoti los sons...

Al plond de la vanèla ont sem...

Qualques còps d' unas galinas dolentas,

D'una colomba blanca qu' udola sa cançon .

Causas estranhas son las paraulas que nos finisson...

Qualques còps, aquò's las del vent, de l'aiga que tomba , de la pluèja .

Lo silenci escanant de la nèu , lo bruch amudit de la mòrt.

Chut! I a la bibliotèca que crama, los cementèris de las lengas.

E ven lo resson del son , lo rebat d'un liaç, de la granissa .

Lo buf d'un vièlh, qu'alena a la pòrta de plastic.

Ambe sa paraula cordurada al non ren.

Que mirgalha son paradís de flors etèrnas .

Sord? Ont son los sons ? E los mots de la cançon .

Coma d'unas campanas negadas dins un gorg,

Leugièras son las alas dels borrilhs, falords

Leugièr lo remembre dels picadísses sus las gautas .

Bruches d'esclòps, bruches de carretas, bramals de vacas .

Lum de neon , pets de ressons, s' ausis pas cap lo son .

Quèc soi? De la musica que me breçava . Cocut soi?

Non ? Paraulas? Bramals. .... E Musica per totes