Camin de vida
A Sisson...
Alas rompudas, paraulas mudas,
aucèls chaplats dins son valat,
...............ramon que crida per la
vida
e'l seu poder escartairat.
i a una flor de pèira seca.
....de sèrps que fintan las cavècas
...de la rosal al gost de sang.
Astrada...
Parladura...
... qualques mots...
.... suls pòts
dins lo potz !
lo fial de vida , perdut que mena
d'un viòl l'enfant dusca a l'arena
al sen flac e dur de barena,
dels escalpraires de tota mena, ....
Pffftt....loisa , blau, blanc, e roge
.
Chemin des Dames, quin abeluc,
quin benastrucs e quin malastre !
roge, blanc, blau ,
roge, blanc, blau.
Ten dos traucs roges al costat
drech...
lo vin, blanc, lo rosat de fragosta
la tencha roja d'aquel reboge
ufla de dòl , lo mal es mòrt .
la ròda vira al vent , dins l'òrt
Dins la carral, la blanda ritz
jauna o negra dins l'aire tebés.
Un rainal nhafrat se rabala ,
dins la sanha d'un valat poirit,
de sos uèlhs mascanhats de fèbre
suplica per la fin , la pietat ....
son uèlh me finta, plegat de dòl ,
l'orror raja de l'esquina rompuda,
Susprés de la cruseltat del monde
jagut suls budèls desplegats,
escorgat,
leca la sang de la cervèla espandida .
Aital lo daissèron cans e caçaires
E lo camin ven androna
per las bèstias dusc'al cèl;
pels òmes, per la libertat.
Camin de vida, estrech e tòrt
Camin perdut?
Un riu gemèga l'aiga tarrida,
de la bèla font escantida .
...lo mormolh.
Ane eissuga te las mans, pichon...
siás bochardàs, ajas pas paur!
....mas la corsa ei pas acabada .
Dieu te mena al cap de sa bana.
e t' acamina jogar la mòrt...
Lo tròbes pas bèl lo teu sòrt?
Avant que lo solelh trescola
sus ton còs, sus tos òsses blancs.
per el tanben , la fin se sarra.
aurem pron de liquor amara.
la nuèch plonda vendrà per el
Caminòls solombrats d'ortigas,
tranugas, romegasses nolents.
pican las cambas, Ane... Camine ,.
ta boca chuca l'escurina
a palpas, per un vam de vida
tabans, mosquilhs, formigas
cadun trabuca a sa pena .
Per innocent, desanar...
....
Òc, ren còsta ren , encara,
coma de se levar de matin.
se mirar del cuol a la cara .
en esperant lo despartin.
enta que morís un pantais.
de farlabica , la fugida
al cèl mascanhat , d'una estèla?
Sus la suja del carrèl.
.....t' es dessenhat un estervelh....
Paire Nadal es arribat.....
Carnaval se n'es anat...
I a lo cant pesuc d'una agaça
tot s' endeven de plomb.
lo silenci tomba al plond,
un còdol al fons de l'aiga
recòrds, remembres, paraulas.
pantais, oblits, ... finits
Totes los mots estavanits.
....
l'avenir buta en re sa popa.
lo passat tanben ven l'avenir....
... d'unas cançons oblidadas...
d'un glas casut de la campana.
qu'escampa son bruch d'alenada
Que tinda la fin del jòc?
que degun sap pas mai las règlas...
per cordurar la lenga d'òc.
per copar braces e cambas ...
per plegar las esquinas
per dalhar la tèrra, e sebelir
los aujòls e sa lenga mondina
paraula que te ven qualque còp
d'un gost de sang e de sal amb,
.... quatre lagremas ,
.......... talvera
Qualques mots de benastre de travèrsa,
mai , o mens, bandolièrs trufandièrs
risolièrs ?
....
falguièras, ginèstas e mentastre.
tristum, solesa, amarum, lassièra...
amic, fai lusir la belugueta ,
jos l'èrba, de rescondon, a palpas,
aluca me la cançon d'arcanèl!
Amai trapa lo grelh trufarèl.
......Blau, blanc, roge, verd ,
mirgalhat
roja, roja e negra ....
blau blanc roge ...
....
a la dintrada...
pintrarem las parpelhas.
de blau, los fenestrons esclaus
los que se perdèron la clau.
A Goréa , a Tolosa....
clavarem las tampadas.
quand dobriràn lo torrilh .
Me cantaràs ta musica bèla.
las paraulas dins l'aurelha.
me faràn un para solelh .
Un para tròn per las parpèlas....
sus la Tèrra...
.... ............coma al cèl,
E dins la cambra....
Beuriái als pòts aimats ,
Lo mèl de l'amor bèl ....
d'amoras e de rasims mesclats
E daissarem Dieu...
........... presicar al non ren.
Sus la Tèrra ...
.........coma al cèl.
Commentaires
Enregistrer un commentaire