Fòrça teunhe e leugièr lo fial
estequit
de la vida .
Un lapin près al còl
Lo ben alisa de son ala negra a l'arma
bèla,
lo remembre d'un sovenir .
Tal un enveja d'un bocin de chocolat.
E lo demai demòra pesuc de totas sas
oras esclavas .
Al temps mut.
E lo demai ressonta son crit que fan la
vida nèci.
La pichona ditz, parla me papa :
la vida seriá bèla?
Fai fugir las agaças crusèlas que
cavan los nius de las besengas.
Lo monde s'emplen pauc o pron de sas
raices plondas.
D'ont ven e ont vai?
Lo cridal espetat a l'òrle del non
ren .
Qu'an pas ges la talent .
La femna emplena son faudal d'aiga
blava;
L'aspersor tomba reial a gratis.
A la font que raja son eternitat
gelada.
Tres peis d'aur , o de plomb fondut.
I nadan tres nens verds coma de
pebrons.
MAMA? MAMA coma te dòrmis!!
Jos las fuèlhas qu' aparan lo rasim
del solelh,
m'i TEN ....JAGUT;
E la tèrra pudís sa fèbre de sòmis
mòrts.
m' aluqui la pipa .
la posca del cèl , emplena las ussas
lo carbon de lach,
per que tomban pas los borrilhs gelats
...
Per qué nos trobèssem pas pesucs e
cuols nuds;
Un ser de nadal
Dins de cauçaduras nòvas .
A cantar l'internacionala,
Ambe un ciri a la man
Aquò's aital.
Commentaires
Enregistrer un commentaire