Franca en estat de mòrt cerebrala

Franca de totjorn. La filha ainada de la glèisa... Un pais que crei fòrca de s'èstre enaucat tot sol,  e nascut  de ren , ambe l'ajuda de son engenh...Alara que lo vam primièr es lo de la gleisa, quand volguèt se desliurar del poder de l'emperor germanica... Uèch sègles mai tard e qualques milions de mòrts aprèp, mantunas guèrras,  vesèm que l'Euròpa es comandada per Angela Merquels.....

Franca es un país anestesiat , cloroformat de totjorn e de longa, pels enfants de Petain, guèrra d'Algéria, guèrra d'Indochina, guèrra de Madamascar . Guèrra dins AOF , guèrra dins AEF,  un païs que ne finis jamai ambe las seunas guèrras colonialas , un païs que son esquèrra  empachèt ren de ren , al nivèl,  dels pòbles oprimits , qu'arribèt gaireben al poder se que non per s' amagar , s' en chautar e gemegar .

Un pais que s' esmoguèt pas mai, quand  van far la guèrra al Tchad, al Mali , dins Libia, dins Afganistan, dins Còsta d'Ivòri  dins Iraq, deman dins Iran . Es aital lo pais dels dreches de l'òme de la femna de l'enfant e dels canhons....Liure e fièr la nacion, mas qu'artèlha pas  quand un president s'en va signar un tractat a Lisbona (refusat per referendum) o un autre;  lo pacte financièr europeenc .

Per acabar un país completament anestesiat . Un país jos perfusion de raisves e de remembres de sa grandor passada e acabada , ... e que se regaudis mercès de la television e de l'escòla de la republica  qu'amassa sens fin los messorgas de  sa grandor. ... passada ...

Fin finala , un país mòrt cerebralament.