Retirada dels traucs del cuol

Retirada e traucs del cuol.

Lo movement desalena, aquò's pas lo movement perpetual de segur, mas un brave movement. La rason que lo president de la Nomenclatura de Paris nos'n parlèt dins lo pòste .

A l'estatge dessús , se passa pas ren . Ausís pas mai los talons ponchuts de la femna sul ponde . Al revèrs ven pièger. Se son jaguts al lièch , e se pòt ausir craïnar las latas del saumièr IKEA. Me pensi qu'es coma lo meu, lo liech. Me pensi que regardan la tele coma ieu. Curiós de pensar que fasèm totes çò meteis , de compas.

Ièr Gerar Depardieu diguèt que los manifestants èran pas que des traucs del cuol. D'aici estant poguèri gaitar los traucs del cuols passar dins l'avenguda. Dins la television totes los que charran son de drecha , dempuèi totjorn. E los quites comicas son de drecha . De Soïssa nos o dison que sem pas que feneants de tota mena. Es per aquò que lo cap mèstre de la Nomenclatura de Paris parla dins lo pòste. Ten le drech de ne parlar qu'es de drecha. D'alhors dins França gaireben la quiti esquèrra es de drecha. Lo movement desalena fòrt pr'aquò contunhan de gular los traucs del cuol.

Ara la filha buta qualques gemegaments esmovents. Solide que fan l'amor davant la television, que s'afalena tanben.

Ieu disi : Atencion, dangièr . Qualques còps arriba qu'amb la television per cable , tot l'immòble poguèsse veire lo jòc amorós. Pareis qu'arribèt dins Itàlia. Totes los estajants d'un immòble s'èran acostumats de gaitar un parelh de joves qu'i fasián de longa, davant lo pòste.

Lo cap mèstre de la Nomenclatura de Paris es poderós. Jamai desalena. . Fa de joggins amb sos quatre gardas del còs, per sa femna , cavala coma un can magre. Vòl demorar jove tota sa vida. Pareis que podem demorar jove tota la nòstra puta de vida,(coma disia lo pepe), tu tanben, a la condicion de manjar quatre legums diferents cada jorn, quitament l'ivèrn.

Uèi al governament tròban que los vièlhs demòran tròp joves. Volontan de los far trimar dusca seissanta set ans. Òc dison que se'n chautan de la retirada elses, que jamai la prendràn la retirada , qu'aquò's pas qu'una idèa de vièlh. Òc la retirada los fa cagar. Fa gaire, an prepausat als deputats de seguir la lei generala , que venián de votar, pr'aquò, n' an pas volgut per els.

A l'estatge dessús de la cambra meuna , desalenan fòrt.

Me pensi que cadun bufa dins aquela vida . Per se la ganhar , puèi per la servar. O diguèron dins lo pòste .

A l'estatge dessús fan rajar d'aiga.

Chut qu'es l'ora.... lo 20H20 .... l'ora de las desinformacions.

Visca la diversitat françèsa.

Commentaires

  1. Simple Copy And Paste Jobs At www.visionjobcare.com

    Are you really fed up with recession and want to overcome this. If you can manage the time than SMART SOLUTION will show you the way where you can earn from HOME. For more details E-mail us at support.visionjob@gmail.com
    Visit : http://www.visionjobcare.com/XXX.html

    RépondreSupprimer

Enregistrer un commentaire

Posts les plus consultés de ce blog

Encara una nuèch

l'escorsa