mercredi 29 avril 2009

capitalisme now

Pel monde d'auèi ia pas qu'una valor: l'argent del mercat. Los òmes , las femnas e los enfants estimats a la valor marchanda. Coma los esclaus. Aia, oblidavi,que la moda es de parlar dels malastres del socialisme, dels crimis de Staline . Doncas cal pas parlar dels milliards de mòrts del capitalisme, inquisicion, esclauvatge , colonias trabalh infernenc... et SHOAH . .... Lo sol sistèm qu'existis dempuèi totjorn.... E que contunha de crebar son monde>..
Non lo subjet es : l'utopia socialista . LOs jornalistes françès (colhas mòlas nos en parlan de longa)

Non ? e bona nuèch.

lundi 27 avril 2009

LO patron clafit a l'oliva

Dins la politica de sequestracion dels patrons , vos doni liurament la receta dels patrons clafits a l'oliva negra sens nogal

samedi 25 avril 2009

retorn al païs del ventre gròs

Aqui un jòc fòrça curios que nosautres los blancs de pèl (los cuòls blancs) , i sabem pas jogar...
Lo jòc se sona: " quand d'argent avètz dins vòstre porta moneda"
Benlèu que se joga encara sul mercat als bestials de Laissac mas ne'n soi pas segur...

Se volètz m'agradèt tant e mai l'ila, qu'i seriai plan demorat un pauc mai. A pron pèna dos o très mèses de mai per exemple ...
Qu'ailabas los òmes son amistados , devinhaires, fachilièrs , mascs . E òc per dire :
- primièr exemple : quand soi anat sul batèu per vistalhar lo monde dalfins , aviai près just 1500 roupies dins l'estuch del camescòspe . E ben quand volguèri de las fotos de ièu ambe los dalfins lo tipe me diguèt que costava . Quand? diguèri sosquaire. Juste 1500 roupies respondèt... Puta me diguèri un pauc mai las aviai pas....
-second exemple: lo darrièr jorn crebèri , las rodas, dos còps, de la veitura, dos còps lo matin dabant de partir veire las tèrras de la sèt colors , e un autra còp lo sèr, per rire un pauc anuèch , sus l'autòrota que condusis a Plasença l'areopòrt , e que l'avion t'espèra, bon mas aquò's una autra istòria.
E ben teniai tot juste 500 roupies dins lo porta moneda e ben, paure me diguèri aqueste còp te cal sonar la banca , lo FMI , l'OMC veire l'ambassador çò mendre, devinharètz pas jamai, quand me costèt de far reparar las doas rodas: .......500 roupies.
Cal dire que condusissiai une pichòta veiture nòva , mas ambe los pneumaticas alisats, que se vesian pas gaire las regas.
Per dire que lo maurician qu'es un tipa que pòd menar un batèu , parlar quatre lengas estrangièras dins quatre telefonas portatius diferents e tubar una pipa , tot en vissant, un ecro que se demarga es un tipa qu'es pas de creire.... E amai coma capitani fa respectar la ièrarquia que dona pas sa clòpa , un còp tirada la primièra bofada qu'al second dins la triga de las prioritats .

Aici quicòm que sabem pas gaire far. Un aprentissatge que se troba pas endacòm mai...
Levat qu'ambe tot aquò i a de quatre quatre de pertot o de Mitsubishi de pertot e que tu te rebali dins una veitura nòva que se vei pas dins los catalògs, e que cambia de fila al mendre bufal de vent...
Una granda leiçon de modestia...

mardi 21 avril 2009

marchar jos l'aiga

L
Lo batèu jitèt l'ancre dins un endrèch pròcha d'aquèl. (que ma faguèron un filmqu'ai pas agut lo temps de veire).Te fasia una calorassa del diable. Praquò, una minuta avant , passèt un traça de ,tal un brumisator, ridèl de pluèja e lo camandant davalèt se cercar una mena d'imper,tipe grand nòrd canadiana , e me prepausèt de far ço parièr.
Coma l'aiga es clara coma de cristal se vesia cap de peisses , sable òc e algas tanben.
Jesus marchèt sus l'aiga e nosautres èran vengut marchar sul fons , al mitan dels peis.
Cal saupre que per aquò far, cal se passar un casque pesuc una trentenat de kilò.Sul dessus i a coma una valva que s'i fixa una canèla de caotcho qu'es cargada d'enveja de l'aire natural jos lo casq. Coma l'aiga es tant linda òm pòd creire que i a pas qu'un mètre de fons. Error, n'i a cinq.
amai de marchar jos l'aiga , avem fach la multiplicacion dels peis amb de pan , belèu qu'es lo contrari?
Per dire quand sem arribats al fons , i avia ren, ren, pas una quitia estèla , pas un craba .
Avem distribuit de pans e subte lo monde voide e mud s'animèt.
Un pauc coma al Sahara . Un bedoin s'arrèsta e pausa una napa per vendre quatre babiòlas ,dans un luòc onte i a pas degun, e miracle la pratica sòrt de sab pas ont. Lèu lo monde s'amolonon per discutar los prètz...
E ben aici foguèt çò mesme . Marchavi dapassèt sul fons sens i creire , pèi los peisses son sortits de pertot. De que far una polida fotò.
Nos passejèrem un brave quart d'ora, gentament. Puèi tornèri trobar lo pont brutlant e trapèri un crane còp de luna.
Devian tornar al pòrt mas lo telefona tindèt e sem tornats al cap de la vesprada.

dimanche 19 avril 2009

lo cèl de Maurice





Aqui la gorga que lo reire grand de Le Clezio s'i venia banhar . Dejos l'ostal creòle bastit dins un luòc tant bèl que lo reire grand se cridèt en lo trobant: EUREKA ; Coma lArchimède dins la banhadoira. Pel demai, e ara los Mauricians se'n chautan de JM Le Clezio. O coneisson quitament pas. E lo camin es plan mal ensenhat-


Cal dire que tenon de mai de far. Aici i a los mai que richasses qu'an la maison , l'abroa de la plaja , que la volon la plaja e lo tròç de sable,e dusca al pòle, e la vista que va ambeela tota sens cap de pelhandras a l'azuèl. Pel còp pagan de gardas e pauc a chau pauc, los autres , es a dire los autoctònes estequits del porta monneda s'amolonon sus de plajas publicas de mai en mai estrèchas o montan de mai en mai cap a las montanhas.


La bona imor creòla tant renomada comença de s'escantir vist qu'aici come de pertot , i a un fum de monde( de mai en mai) que passan sens ren voler coneisser de l'estajant natural ), levat lo servici e respect degut a la pratica que paga car.


Se fa que coma a la Guadelopa , la Martinica, la Reunion lo monde comença de n'aver son sadol dels gròs cuòls blancs que crompan tot lo bèl, a belses braçes, a començar pels fonccionaris per ç`à nostre françès, pels dom tom , o encara de richasses sens termièras, coma dins las islas independantas dels tropicas...Lo sicut de Maurici .
Pas besonh d'estre saberut per devinhar que tot aquò s'endevendra mal...Cò que me diguèt un quite creòle blanc de pèl que fugiguèt la Reunion e que troba çà mesme aici...
Deman anirai marchar jos l'aiga e se Dius o vòl, parliquejar ambe los dalfins....Lo motiu del mèu viatge...
Ieu que soi vertadièrament un "zoreille" benastruc....




vendredi 17 avril 2009

aici e ara a Maurice



La mar balaja los rocasses, e la pluèja lava los uèlhs. Mas lo solèlh torna totjorn. Luenh ,suaud, e bèl passa lo temps. Coma se ren non èra..

lundi 13 avril 2009

Lacoon

Aquò's la tèsta d'un personatge d'un ensem de très, sonat "Lacoon" , la pus crana mervelha d'escalpradura que se pòsca veire. L'escalpradrura seria l'òbra de très escalpraires grècs... Trobada dins l'òrt d'un nòble( me sembla d'un palais d'un cardenal) per escasença de trabalhs de bastison.
Ne prenguèri qu'una tèsta , malaisida de dessenhar al despart d'una pichòta fotò negra e blanca d'un libre de bibliotèca.
Un ensem qu'inspirèt Michelangelo e totes los italians , sens que lo David arriva de li far rampèl.
La famosa Renaissença que nasquèt d'Italia.

samedi 11 avril 2009

la banana blava


L'òme es dins la botèlha ambe la banana blava.

Defòra passa los carris de la libertat .

Esclavatge , Rwanda, Shoah,  crimis del capitalisme?

L'òme dins la botèlha blava , bada la banana blava.

La mai bèla banana del monde liure.

Un papa grimacièr pòrta sa capòta al revèrs .

Per que li an  jà panat la sia capòta...

E las dròlas lèvan la rauba per far dintrar lo solèlh.

Un occitanista caparut explica que l'Occitania es pas qu'un raisve.

Un franchimand explica que sa langue es la mai "pertinenta" .

Lo temps passa, la lenga mèuna s'amudis .

Cò que fa que m'acossomissi ,

En agachant l'ecran blanc de la vida.

Dins la botèlha voida, dabant la banana blava . 

jeudi 9 avril 2009

Soldas mostras.

Las fòrças de policia son intervingudas carrièra Alsaça Lorana. Sus los joves.
Entre que los medias nos amusan ambe los sans papèls , o Berlusconi, de causas importantas se passan endacòm mai.
Lo govèrn vòl espetar tot çò que revèrta los servicis publics , l'ajuda sociala, la solidaritat.
La tòca de cadun a l'UM-PS es clara:
- ne'n fenir ambe los servicis publics de l'educacion de la santat , de l'energia, del telefona ECE...
- se trapar de l'argent per sèu, al nom dels servicis renduts.
Avem après que l'EGF serà venduda per boçins e que los beneficis serviron pas qu'a una còla de féneants .
Uèi avem agut de copuras sauvatjas . E crèsi plan que las causas van s'endevenir mai.

Se vei clarament que las fòrças de la republica servisson pas qu'a una causa:
transferar las riquèsas publicas al privat.
Lo prefet e tota sa còla son pas al servici de la republica, mas sonque de Bouygues e autres manja-mèrda.
Aquò's pas segur que siaguessen pagar per lor traison.
Un policièr aguèt lo coratge de far passar lo film de la castanha dels transpòrt publics a Paris.
Se trobèt metut en examen al nom del secrèt de l'enquista.
Sem vertadièrament un païs de colhas .
La tele stalinienne , mostra tot çò qu'arriba de per lo monde pas aici...
Caldra ben cambiar tot aquò...

lundi 6 avril 2009

Occitania


La vesi coma un raisve
Suauda , tranquila,
sola e fièra,
luenh de la pichonèsa,
que nos ribèja la vida tota.
Levat quand la prima torna,
E que las colors de las flors,
Alucan dins l'òrt,
de flambas mirgalhadas.
O qu'un amic disparegut, desconegut, o quasiment mòrt per l'ama
Passa lo suèlh...
Occitania flum, Occitania mar?
Retorn eterne d'un remembre sebelit,
Que grèlha ara ;
Coma auèi , tre que lo vent de mai, bolega las brancas floridas dels ametlièrs ,
Pròva que l'aurassa ganharà pas jamai.
Contre l'espèr d'un fruch.
De la natura...
...umana.

vendredi 3 avril 2009

la pesta

Solhèl negre sus las ombras ,
Se vei los ribatèls de sang,
que carrejan l'oblit .
Per servar sa libertat?

Aquò's un pantais sorne,
Una revirada de fats,
Una crida enjertabla ,
Per tot recomencar?

Son totjorn aqui,
Los diables acarnassits ,
Las ombras ensanhosidas ,
Sem jà esclaus?

Dins l'androna ,
D''unes enfant jogan
al bolard.
E aimariài de dormir.

mercredi 1 avril 2009