Mirages e Mascles

La votz de Jòrdi venguèt amudida.
-m'en vau vos dire per de que quitèri d'o far. Un jorn , òm èran un molon de tipes a l'abroa del Sacramentò. Me sentiai aluserpit per far de cracas. Me viri a Lennie e li disi :" sauta" . E el sautèt . E savia pas nadar una braça. Un pauc mai e se negava abant que que poguèssem lo trapar. E que foguèt tant amistos ambe ièu, per que l'aviai sauvat . Oblidèt complètament qu'èri ièu que li diguèt de sautar . Bon qu'aprèp aquò i tornèri pasjamai.
-Aquò's un brave tipe diguèt Slim. I a pas besonh de cervèla per èstre un brave tipe. Qualques còps me pareis qu'aquò's lo contrari. Prenètz un tipe vertadièrament rusat , e aquò's rare que sia un brave tipe.
Jòrdi amassèt las cartas escampilhadas e entamenèt una reussida nòva. Defòra , los fèrres butavan sul sòl ambe un bruch sord. A las fenèstras , lo calabrun pausava encara de carrats lumenos.
-Teni pas de familha , diguèt Jòrdi. Vejèri d'unes tipes que van trabalhar sols dins los ranches. Valon pas res. S'amusan pas. Fenisson per venir missants. Pensan pas que de se batre de longa.
-Oc venon missants capejèt Slim, n'arriban que volon pas pus parlar a degun.
-sabi plan que mantuns còps, Lennie es mai que mai embestiant, diguèt Jòrdi , mas nos òm s'acostuma de rotlar ambe un tipe , e ne podem pas pus se'n passar.
- es pas missant. Pòdi veire que Lennie es pas brica missant .
-solide qu'es pas missant . Mas li arriva totjorn d'enganas , per qu'es tant bèstia. Coma çò que li arribèt a Weed...
S'arrestèt en virant a mièg una carta. Pareguèt espaurugat e fintèt a Slim .
-o diras pas a degun?
-de que faguèt a Weed ? demandèt Slim suaudament.
-o diràs pas ? ... Non promès?